Beth yw gwaith gwirfoddol?

Gwaith gwirfoddol ydyw unrhyw weithgaredd y bydd person yn ei wneud am ddim, ac oí ddewis rhydd.

Mae'n galluogi pobl i gynnig eu gwasanaeth y tu hwnt i angen ariannol neu ddyletswydd cymdeithasol.

Gall fod yn ddigymell, neu yn fwriadol ac wedi ei drefnu.
Mae gwirfoddolwyr yn gwneud gwahaniaeth sylweddol i wasanaeth eu maes dewisiedig.

Mae gwirfoddolwyr yn cyfrannu tuag at well ansawdd bywyd yn eu cymuned leol.

Gyda mwy o bwyslais ar ofal yn y gymuned, ni fyddai'r rhan fwyaf o'r gwasanaethau yn gallu cael eu cynnal yn effeithiol heb ymroddiad a chefnogaeth gwirfoddolwyr.

Pam gwirfoddoli?

Ydych chi eisiau :

• Mwynhau eich hun drwy wneud rhywbeth yr ydych yn hoffi ei wneud, gan ddefnyddio eich diddordebau a doniau arbennig?
• Dysgu sgiliau newydd a datblygu diddordebau ychwanegol?
• Cyfarfod pobl a gwneud ffrindiau newydd?
• Cael y cyfle i gymryd cyfrifoldeb a gwneud pendefyniadau?
• Cael mwy o wybodaeth ynglyn â swydd neu yrfa newydd?
• Gwneud cyfraniad gwerthfawr i'r gymuned?
• Bod yn rhan o'r gwaith o gynnig cefnogaeth i bobl eraill yn eich cymuned leol.

Beth ydym yn ei gynnig ?

• Strwythur i'ch diwrnod
• Ymarfer gwaith
• Y cyfle i ddysgu sgiliau newydd
• Y cyfle i newid eich statws o'r sawl sydd eisiau cymorth; i'r un sydd yn cynnig cymorth
• Ymwybyddiaeth o broblemau pobl eraill.
• Ffordd i helpu eich hun drwy helpu eraill
• Cyswllt cymdeithasol, a chyfle i gyfarfod pobl newydd
• Ymglymiad a'r gymuned
• Cyfle i gryfhau eich hunan hyder
• Cyfle i wneud ymrwymiad, a derbyn cyfrifoldeb
• Cyfle i ddatblygu eich sgiliau personol
• Mwynhad
• Teimlad o foodhad a chyflawniad
• Geirda

Beth allwch gynnig ?

Mae gwaith gwirfoddol yn golygu ymrwymiad i wneud rhiwbeth 'ich cymuned. Ni fyddwch yn cael eich talu am wneud gwaith gwirfoddol, felly mae'n bwysig y byddwch yn gwneud rhywbeth y byddwch yn elwa oddi wrtho mewn ffyrdd eraill. Dylech fod yn glir am eich anghenion personol, a beth yr ydych yn disgwyl gael wrth wirfoddoli, cyn i chi ddechrau unrhyw waith gwirfoddol.
Bydd angen i chi feddwl am sut y gallwch chi gyfrannu orau at waith Tan y Maen.

Gofynnwch i chwi eich hyn:

• Oes gennych chi ddiddordeb mewn materion iechyd meddwl?
• Beth yw eich sgiliau a'ch diddordebau?
• Beth fydwwch chi'n mwynhau ei wneud?
• Ydych chi'n hoffi gweithio gyda'r unigolyn?
• Ydyw'n well gennych weithio mewn grŵp?
• Ydych chi'n mwynhau sialens?
• Fyddwch chi'n ymdopi'n dda mewn argyfwng, neu mewn sefyllfa herllyg?
• Ydych chi'n gydymdeimladwy tuag at anghenion pobl eraill?

Cofiwch ein bod i gyd yn defnyddio sgiliau a doniau yn ein bywyd pob dydd. Cofiwch ddweud wrthym am unrhyw sgil neu ddawn arbennig sydd gennych ac yr ydych yn hyderus o'u defnyddio, efallai y byddwn yn gallu eu defnyddio tuag at waith Tan y Maen. Cofiwch fod gan bawb rhywbeth i'w gynnig.

Siarter Gwirfoddolwyr

Mae gan bob unigolyn yr hawl i wirfoddoli, ac mae gan wirfoddolwyr hawliau y dylid cydnabod tra yn gwirfoddoli. Gwaith cyfreithlon yw gwirfoddoli ac nid gwaith rhad ac am ddim.

1. Fe ddylai'r gwirfoddolwyr fod yn ymwybodol o'i tasgau ac yn deall y cyfrifoldebau sydd yn mynd gyda'r tasgau penodol.
2. Fe ddyli'r ddweud wrth y gwirfoddolwyr pwy sydd yn gyfrifol am eu harolygaeth a chefnogaeth. Dylid cael cefnogaeth cyson gan unigolyn cyfrifol, a dylai pob gwirfoddolwr gael cefnogaeth ddilys.
3. Er mwyn bod yn deg mae'n angenrheidiol sicrhau bod gan y gwirfoddolwyr gynrychiolydd yn gweithio ar eu rhan, ac fe ddylid cael cymeradwyaeth i'w galluogi i gymeryd rhan yn rheolaeth y gwasanaeth penodol y maent yn gweithio ar eu rhan.
4. Ni ddylid cymeryd mantais o wirfoddolwyr ac fe ddyled ystyried eu anghenion. Nid yw yn dderbyniol rhoi pwysau ar wirfoddolwyr i wneud unrhyw beth maent yn ystyried yn anfoesol.
5. Rhaid sicrhau nad yw'r gwirfoddolwyr mewn perygl oddi wrth y cyhoedd tra yn gweithio. (Dylai'r gyfundrefn sicrhau bod ganddynt bolisi ysiwriant gyhoeddus, ysiwriant modur digonol ac ysiwriant ychwanegol personol rhag damwain.)
6. Ni ddisgwylir i wirfoddolwyr fod allen o boced a dioddef yn ariannol oherwydd gwirfoddoli. (Dylai'r gwirfoddolwyr gael costau teithio, bwyd a help at gost gofalu am blant / dibyniant) a chael offer i'w galluogi i wneud y gwaith.

Efallai y bydd gwirfoddolwyr yn teimlo'n annifyr gofyn am fydd dal a dim yn medru parhau gyda'r gwaith. Os nad yw gwirfoddolwyr eisiau tâl fe all rhoi'r arian yn ôl i'r asiant penodol.

1. Ni ddylai'r gwirfoddolwyr wneud gwaith mae asiantaeth benodol yn talu am, nac ychwaith weithio'n wirfoddol mewn swydd oedd gynt yn gyflogedig.
2. Dylai gweithwyr di gyflogedig a chyflogedig gydweithio mewn ffordd hwylus, fe ddylent wybod y gwahaniaeth rhwng gwirfoddoli a gwaith cyflogedig.
3. Mae gan wirfoddolwyr hawl i ymuno ag undeb sydd yn berthnasol i'w gwaith.
4. Trwy gefnogaeth dilys fe ddylai'r gwirfoddolwyr fwynhau y profiad o weithio, a datblygu yn bersonol oherwydd y gwaith.

Eich cyfrifoldebau

Swydd: Hwyluswyr galw i mewn
(Gwirfoddol)
Oriau: 3 Awr yr Wythnos
(ar sail rota)
10am - 1pm neu 1pm - 4pm, dydd Llun i ddydd Gwener
6pm - 9pm nos Lun

Dyletswyddau yn cynnwys :

• Hwyluso'r gwasanaeth galw i mewn yn ystod oriau agor, helpu gyda'r gweithgareddau ac ychydig o waith derbynfa fel bo angen.
• Cyfarch unigolion, goruchwylio bod y gwasanaeth galw i mewn yn rhedeg yn rhwydd, cadw llygaid are beth sydd yn mynd ymlaen yn yr ystafelloedd cymunedol, tra'n sicrhau nad oes neb yn cael eu hanwybyddu.
• Delio ag unrhyw sefyllfa anodd yn gwrtais ac yn gydymdeimladwy tra'n cadw at bolisi gweithredol Tan y Maen ar bob achlysur, gan adrodd ar unrhyw fater o bryder wrth aelod o staff cyn mynd adref.
• Rhoi gwybodaeth ynglyn a gwasanaethau a gweithgareddau fel bo angen.
• Sicrhau iechyd a diogelwch eich hun a phobl eraill gan adrodd ar unrhyw fater o bryder ynglyn â hyn wrth aelod o staff ar y cyfle cyntaf.
• O fewn yr ystafelloedd galw i mewn, fe ddylai'r gwirfoddolwyr fod yn gyfarwydd a nifer o agweddau iechyd a diogelwch, er engraifft; dihangfa dân, safle diffoddwyr tân, safleodd blychau cymorth cyntaf, llyfr damweiniau a rhifau ffôn argyfwng.

Telir costau teithio yn ôl ac ymlaen i'r ganolfan ar raddfa o 32c y filltir neu costau trafnidiaeth cyhoeddus (dylid anfon tocynnau bws / tren i mewn gyda'r ffurflenni costau teithio) a dylid sicrhau eu bod yn cyrraedd y swyddfa cyn ddiwedd y mis.

COFIWCH, DIM CYNGHORI O GWBL

Rhinweddau personol

Bydd gwirfoddolwyr yn cymeryd rhan mewn darpariaeth, cefnogaeth a chwmpeini i bobl sydd naill ai yn cael profiad neu yn gwella oddi wrth broblemau iechyd meddwl, felly mae'n hanfodol bod ganddynt sgiliau cyd-bersonol da iawn. Mae'n angenrheidiol fod gwirfoddolwyr yn gweithio fel tîm a bod ganddynt y gallu i dderbyn safbwynt pobl eraill ac i barchu'r unigolyn a gwahaniaeth barn. Mae agwedd gydymdeimladwy hefyd yn rhinwedd pwysig.

Mae cyfrinachedd yn rhan annatod o'r gwasanaeth a gynigir a disgwylir i'n gwirfoddolwyr sicrhau eu bod yn cynnal cyfrinachedd mewn perthynas ac unrhyw wybodaeth ynglyn â'u cydweithwyr, defnyddwyr y gwasanaeth a'r ganolfan ei hun. Disgwylir i'r gwiddfoddolwyr ddod yn gyfarwydd a pholisi gweithredol y ganolfan.

Darperir cefnogaeth a goruchwyliaeth ar sail unigol a thrwy gyfarfodydd grŵp. Gellir trafod unrhyw fater o bwys gyda'r Gweithiwr Datblygu yn ôl y gofyn. Dylai'r gwirfoddolwyr deimlo fod ganddynt gefnogaeth ar bob achlysur. Yr ydym yn annog ein gwirfoddolwyr i gyrannu cynigion a sylwadau a fydd o gymorth i ddatblygu y gwasanaeth a'r gweithgareddau o fewn y ganolfan, ac i gymeryd rhan mewn unrhyw weithgaredd yn ôl eu diddordeb. Gobethir y gall y gwirfoddolwyr ddefnyddio a datblygu eu sgiliau personol eu hunain.

Bod yn ddibynadwy a phrydlon ar gyfer eich dyletswyddau, mae gwirfoddolwyr Tan y Maen yn gweithio ar sail rota, ac yr ydym yn gofyn am leiafswm o 3 awr yr wythnos gennych. Dylech geisio eich gorau i roi digon o rybydd i ni os na fyddwch ar gael ar gyfer eich dyletswyddau penodedig. Dylech ymdrechu i gyrraedd ar amser - cofiwch eich bod yn rhan o dîm, a bod eich cydweithwyr yn dibynnu arnoch.

Mae Tan y Maen yn gweithredu polisi cyfartal sydd yn berthnasol i wirfoddolwyr, defnyddwyr y gwasanaeth, a staff chyflogedig.

Mae'r ganolfan hefyd yn gweithredu polisi dwy ieithog byw a chyflawn yn mhob agwedd o'r gwaith.

Hyfforddiant

Fe fydd gwirfoddolwyr sy'n ymuno a gwaith gwirfoddol yn Tan y Maen yn cael hyfforddiant cychwynnol. Rydym yn cynnig hyfforddiant mewn swydd ac rydym yn cefnogi'r gwirfoddolwyr i gymeryd mantais o'r cyfleoedd sydd ar gael.
Rydym yn cefnogi gwirfoddolwyr syddâ diddordeb mewn gwahanol agweddau o'r ganolfan, er engraifft gall hyn gynnwys cynrychioli'r gwirfoddolwyr mewn ffordd arbennig.

Gobeithir y gall y gwirfoddolwyr ddefnyddio a datblygu eu sgiliau personol eu hunain.

Pethau i'w hystyried

Meddyliwch pam eich bod eisiau gwirfoddoli yng Nghanolfan Tan y Maen.

Gofynnwch gwestiynau. Gwnewch yn siwr eich bod yn gwybod i bwy yr ydych yn atebol a phwy i droi at am gefnogaeth.

Cofiwch hawlio eich costau.

Cadwch at y trefniadau ynglyn â'ch dylestswyddau - os na allwch gadw atynt, neu os byddwch am fod yn hwyr, gwnewch eich gorau i roi gwybod i ni mewn digon o bryd.

Cofiwch eich bod yn rhan gwerthfawr o'r tîm.

Dywedwch na, os y teimlwch ein bod yn gofyn gormod gennych.

Mwynhewch eich hun.

Peidiwch â chychwyn eich gwaith gwirfoddol nes y byddwch yn hollol sicr o beth fydd yn cael ei ddisgwyl ohonnoch, a'ch bod yn sicr ei fod yn rhywbeth yr ydeych eisiau ei wneud.

Peidiwch â gorymestyn eich hun - peidiwch â chynnig mwy o amswer na allwch ei roi yn rheolaidd heb achosi straen ar eich bywyd personol. Yr ydym yn ymwybodol bod gennych fywyd y tu allan i'r Ganolfan. Mae bod yn ddibynadwy yn hanfodol.

Peidiwch â troi i fyny ar gyfer eich delytswyddau - os y byddwch yn diflasu, neu yn cael unrhyw broblem, cofiwch fod rhywun ar gael bob amser i drafod y mater gyda chi.

Peidiwch â gwneud dim sydd yn groes i'ch dymuniadau a'ch egwyddorion. Ceisiwch bob amser i drafod y mater gyda'r sawl sydd mewn goruchwyliaeth.